ខាងក្រោមនេះជាគំនូរប្លង់អាគារ Riviera របស់កោះពេជ្រ ដែលបានចាប់ ដំណើរការសាងសង់ហើយ…។ តាមរយៈគំនូរប្លង់បានបង្ហាញថា សំណង់អាគារ Riviera នេះ មានភាពស្រដៀងគ្នានឹងអាគារ Marina Bay Sands របស់សឹង្ហបុរីដែរ គ្រាន់តែ Riviera របស់កម្ពុជាយើង មានទំហំតូចជាង មានកំពស់ទាបជាង មានរាងមិនសង្ហាជាង និងធើអស់លុយតិចជាង អាគារ Marina Bay Sands តែប៉ុណ្ណោះ…។
អាគារ Riviera Diamond Island នៅទីក្រុងភ្នំពេញរបស់យើង ត្រូវបានរចនាម៉ូត ដោយស្ថាបត្យករនៃក្រុមហ៊ុនថៃមួយឈ្មោះ A7corp ដែលនឹងត្រូវចំណាយអស់ថវិកា… [អត់ដឹង!]… ហើយនឹងបញ្ចប់ការសាងសង់ក្នុងឆ្នាំ… [អត់ដឹង!]… ឯម្ចាស់របស់សំណង់អាគារនេះ គឺជា… [អត់ដឹងទៀត!]…
និយាយតាមត្រង់ចុះ ស្រុកយើងចូលចិត្តធ្វើអីលាក់លៀមៗ ចឹងឯង… សូម្បីតែសំណង់ធំបែបនេះ ដែលជាមុខមាត់ក្រុងអំពេញយើង… ឬអាចនិយាយថា នេះជាមោទនភាពរបស់ជាតិយើងក៏ដោយ ក៏ស្ថាប័នពាក់ព័ន្ធនៅតែលាក់ព័ត៌មានអោយខ្វេរដែរ…។ ក្នុងនាមជាអ្នករស់នៅស្រុកអំពេញ ខ្ញុំចង់អួតដាក់អ្នកខាងក្រៅ អំពីសមិទ្ធិផលថ្មីៗ ការអភិវឌ្ឍន៍ក្តៅៗ ហុយៗ ទំនើបៗបែបនេះណាស់… តែវាយាប់ត្រង់ថា មិនដឹងជាទៅរកឯកសារផ្លូវការពីក្រហែងមេឃណា យកមកអះអាងបានទេ…។ ស្រុកយើង មិនដឹងយ៉ាងម៉េច, អាទំលាប់លាក់លៀមគ្នាឯងនេះ គឺហាក់ដូចជាដូនតាខ្មែរយើង (ទាំងមុន និងបច្ចុប្បន្ន) បានប្រកាន់ខ្ជាប់តាំងពីរត់ចោលក្រុងអង្គរមកម៉្លេះ..!!..??..
ស្រុកស្រែ
___________________
អត្ថបទដែលទាក់ទង៖
មួយរយៈមុនឃើញគេដាក់នាឡិការាប់ថយក្រោយ ដោយពេលវេលានៃការបញ្ចប់ការសាងសង់ គឺចុងឆ្នាំនេះហើយ ។
បែបចប់ទៅមិនរួចនៅចុងឆ្នាំនេះទេ… តែបើធ្វើកូនអាគារកំពស់ ៤-៥ជាន់ខ្ញុំជឿ ព្រោះខែ៥ ហើយ នៅមិនទាន់លេចចេញជាស្អីផងណឹង… 😀
ចឹងហើយបានជាគេដកនាឡិការាប់ថយក្រោយនោះចេញបែប!
យករបស់បញ្ឆោត ក្លែងក្លាយទៅអួតគេម៉េច? យកទៅអួតស្រុកណា? គម្រោងនៅស្រុកខ្មែរប៉ុន្មានភាគរយជាគម្រោងពិត? កុំទៅអួតអីខ្មាស់បរទេស អានិតខ្ញុំផង និងអានិតខ្មែររាប់លាននាក់ទៀត.. កុំឲ្យបរទេសផាស្ពឹកមុខអី
អរគុណលោកភ័ក្ត្រ… ខ្ញុំចេះតែជួយអួត ឡង់សេអោយលោកចៅហ្វាយក្រុងម៉ា ទៅណា… បើទោះជាលោកចៅហ្វាយក្រុងមិនសូវចូលចិត្ត ប្លុកប្រភេទ “ផា” អោយគាត់ក៍ដោយ តែដោយសារពេលនេះ ចូលដល់រដូវឃោសនាបោះឆ្នោតផង… ហេតុនេះ ខ្ញុំចេះតែជួយសូវ៉េគាត់ទៅ… សំខាន់ តើគាត់ជួយខ្លួនគាត់រួចអត់? ហើយករណីនេះ មិនខុសណាពីលោកភ័ក្រ្ត ជួយប្រូម៉ូត ផ្លូវរថភ្លើងក្រោមដី នៅក្រុងអំពេញយើងដែរ ត្រូវអត់? ខ្ញុំថាលេងទេ ហិហិៗៗៗ… 😀
ហិហិ! «លោកចៅហ្វាយក្រុងម៉ា ស្រស់ប្រិមប្រិយ ស្រីចោមរោម»
ស្រីចោមរោមហ្នឹង គឺបងប្អូនបុរីកីឡា និងបឹងកក់! មិនមែនចោមរោមស្រឡាញ់ទេ គឺចង់ដកសក់ទំពែកគាត់ហ្នឹងឯង!
គាត់គិតពេក ធើអោយសក់គាត់លែងចង់នៅពីលើក្បាល… ង៉ៃមុនឮសូរថា គាត់បានជួបជាមួយក្មេងៗសិស្សសាលា ដើម្បី “សុំយោបល់” ពីការអភិវឌ្ឍន៍ទីក្រុងភ្នំពេញ… តាមមើលទៅ គាត់ខ្ជិលចង់ជួបមុខមនុស្សចាស់ៗណាស់ ព្រោះមនុស្សចាស់ ពូកែរករឿងគាត់ជាងក្មេងៗសិស្សសាលា… 😀
ខ្ញុំគិតថា បើជាលុយរបស់រដ្ឋ ណ៎!យកទៅចាក់កៅស៊ូក្រាលថ្នល់តាម
ស្រុកស្រែចំការដឹកស្រូវដឹកអង្ករបន្ថយល្អងធូលីដីក្រហមដូចល្អជាង។
បើលុយរបស់ពួកថៅកែៗបរទេស អោយគេធើតាមចិត្តទៅ ធើម៉ាសេរី
កុំតែបំផើមចោល កុំតែលក់ប្រមូលលុយបានដាក់មេប្រូចទៅបានហើយ 😀
អរគុណលោកអច្ឆរិយ៉ា… លោកមានប្រសាសន៍ត្រូវណាស់… មានក្រុមហ៊ុនអចលន:ទ្រព្យមកពីក្រៅប្រទេសជាច្រើន ដែលបានមកសាងសង់បំផើមចោល ដូចជាករណី Camko City, Golden Tower 42, និងសំណង់ធំៗ ដទៃៗទៀតជាច្រើន…
ជាដំបូង ខ្ញុំសុំសើចនឹងរូបភាពខាងលើ បន្ទាប់មកសើចនឹងមតិនានាដែលបានបង្ហើរទឹកដម គួរឲ្យចង់សើច 😆
កំពុងតែពិបាកចិត្តរឿងស្រាបៀរបង់ពន្ធជូនរដ្ឋស្ដារសេដ្ឋកិច្ចជាតិផង ប៉ះសំណើចពេលរាត្រី ស្រស់ប្រិមប្រិយទៀត
ហេហេ… កុំពិបាកចិត្តពេក… បើចង់ជួយរួមចំណែកកសាងជាតិ សូមអញ្ជើញចូលរួមផឹកស្រាបៀរអោយបានច្រើនទៅ… ផឹកលិចថ្លើមកាលណា ល្អកាលណឹង..!!.. 😀
បើធ្វើបានមែនពិតជាអស្ចារ្យ!!
ខ្លាចតែដូច ៤២ជាន់ នៅត្រឹង!!!!
អរគុណលោកសុខជា… ខ្ញុំជឿថា សំណង់ Riviera នេះប្រហែលជាមិនបំផើមចោលដូច Camko City or Golden Tower 42 ទេ ព្រោះដោយសារតែម្ចាស់វាជាជនជាតិខ្មែរទេ… ហើយតាមដំណឹងមាត់ចាបមាត់ព្រាប គឺម្ចាស់វាអាចចាត់ចូលក្នុងចំណាត់ថ្នាក់ “ឪខ្លាត្រី” ដែលស្និទ្ធនឹងអ្នកជំនួញប្រទេសថៃ…
ចាត់ទុកថាគ្រាន់បើចេះមានគម្រោងសាងសង់ ហើយខ្ញុំចង់ឃើញកម្ពុជាបង្កើតមីស៊ិលដូចកូរ៉េ ខាងជើងដែរ…ហេហេ
អរគុណលោកជក់ទិព្វ… កាលពេលមានជំលោះជាមួយថៃក្នុងរឿងប្រាសាទព្រះវិហារ នៅឆ្នាំ២០០៨ កាលនោះខ្ញុំបន់អោយតែខ្មែរយើង មានក្បាលគ្រាប់នុយក្លេអ៊ែរ តែមួយគ្រាប់ក៍អស់ចិត្តដែរ… ដោយពិតទៅ ពិភពលោកសម័យនេះ គេមិនសូវគិតពីគុណធម៌ មនុស្សធម៌អីប៉ុន្មានទេ… គឺអាណាខ្លាំង អាហ្នុងឈ្នះ..!!.. 😀
ខ្មែរយើងមានឈ្មោះ អច្ឆរិយៈ ប៉ុន្តែ អ្នកដែលមានជិវៈភាពអច្ឆរយៈ ក៏ច្រើនដែរ ដូននេះហើយបានជាខ្មែរសុំទានលើញសូវបានដូចមុន ។ អច្ឆរ័យៈខាងមាន និងខាងក្រ
😀
លោកអើយ! ម៉េចក៏ទៅអោយក្រុមហ៊ុនថៃជាអ្នករចនាប្លង់ទៅវិញ! ស្ដាយណាស់! គួរណាស់តែ ចែករំលែកកូនខ្មែរផង។
អរគុណលោកសុខហ៊ាង… អាចថា ម្ចាស់សំណង់ គេជឿជាក់ ឬស្រឡាញ់ថៃ ជាងខ្មែរយើង ក៍អាចថាបាន…