Monthly Archives: ខែវិច្ឆិកា 2011

រូបថតថ្ងៃម្សិលមិញ…

Posted on 29 ខែវិច្ឆិកា 2011 | មតិ 7

រូបថតការបើកពិពណ៌សមិទ្ធិផលបោសសំអាតមីនម្ភៃឆ្នាំ៖

សិល្បករ សិល្បការិនីជនពិការ កំពុងផាត់មុខ

សិល្បករវ័យក្មេង...

ភ្ញៀវជាតិ និងអន្តរជាតិឡើងច្រៀងលើឆាក

ទិដ្ឋភាពរួមក្នុងអង្គពិធីទាំងមូល...

ស្រុកស្រែ

7 មតិ

បានផ្សាយក្នុង កម្រងរូបភាព

រូបថតចាស់ៗ…

Posted on 28 ខែវិច្ឆិកា 2011 | មតិ 22

ដើរមើលរូបថតពិពណ៌របស់កិច្ចប្រជុំអន្តរជាតិលើកទី១១ នៃអនុសញ្ញាអូតាវ៉ា នាថ្ងៃនេះ ខ្ញុំចាប់អារម្មណ៍រូបថតចាស់ៗមួយចំនួនរបស់កម្ពុជាយើង ដូចខាងក្រោម៖

អតីតផ្លូវលំហូជីមិញ នៅស្រុកស្នួល ខេត្តក្រចេះ (រូបថតឆ្នាំ២០០១)

ឆាកប្រយុទ្ធគ្នារវាងកងទ័ពកម្ពុជាប្រជាធិបតេយ្យ និងកងទ័ពវៀតណាមនៅថ្ងៃទី ២២ ខែមេសា ឆ្នាំ១៩៧៨ (រូបថត AKP)

នេះមិនមែនរូបថតបាញ់គ្នានៅមជ្ឈឹមបូព៌ាទេ តែគឺជារូបភាពបាញ់គ្នានៅស្រុកស្វាយចេក នៅថ្ងៃទី២៦ ខែវិច្ឆិកា ឆ្នាំ១៩៨៩ (រូបថតកាសែតកងទ័ព)

នេះជាឆាកប្រយុទ្ធគ្នានៅខេត្តពោធិសាត់ (រូបថតកាសែតកងទ័ព)

នេះជាឆាកប្រយុទ្ធគ្នានៅត្រង់បង្គោលគីឡូម៉ែត្រលេខ ១៩២ ផ្លូវជាតិលេខ ៤ ភ្នំពេញ-កំពង់សោម (រូបថតកាសែតកងទ័ព)

ជនភៀសខ្លួនខ្មែរនៅតាមជំរំព្រំដែនកម្ពុជា-ថៃ ត្រៀមខ្លួនធ្វើមាតុភូមិនិវត្តន៍ នៅឆ្នាំ១៩៩២ (រូបថត UNHCR)

ចាប់ផ្តើមចេញដំណើរធ្វើមាតុភូមិនិវត្តន៍ នៅឆ្នាំ១៩៩២ (រូបថត UNHCR)

ចាប់ផ្តើមចេញដំណើរឡើងឡានធ្វើមាតុភូមិនិវត្តន៍ នៅឆ្នាំ១៩៩២ (រូបថត UNHCR)

សួស្តីចាស៎... ខ្ញុំ ត្រឡប់មកវិញហើយ...!!

ស្រុកស្រែ

22 មតិ

បានផ្សាយក្នុង កម្រងរូបភាព

កាលប្បវត្តិ នៃអ្នកដឹកនាំប្រទេសថៃ…

Posted on 25 ខែវិច្ឆិកា 2011 | មតិ 7

នៅមុនឆ្នាំ១៩៣២ ព្រះរាជាណាចក្រថៃ មានឈ្មោះថា ប្រទេសសៀម ឬស្យាម។ តែក្រោយពីរដ្ឋប្រហារឆ្នាំ១៩៣២ មក ប្រទេសសៀម ឬស្យាមនេះ បានប្តូរទៅជាប្រទេសថៃឡង់ដ៍វិញ និងបានបង្កើតរបបរាជានិយមអាស្រ័យធម្មនុញ្ញ នៅថ្ងៃទី២៤ ខែតុលា ឆ្នាំ១៩៣៣ ។ បើចង់ជ្រាបច្បាស់ពីហេតុការណ៍នេះ លោកអ្នកអាចរកសៀវភៅអាន ដែលមានចំណងជើងថា៖ រដ្ឋប្រហារឆ្នាំ១៩៣២ ពីសៀម មកថៃឡង់ដ៍…

នៅក្នុងអត្ថបទ កាលប្បវត្តិ នៃអ្នកដឹកនាំប្រទេសថៃ របស់ខ្ញុំនេះ លោកអ្នកប្រហែលជាមិនឯកភាពអំពីឈ្មោះរបស់ឥស្សរជននៃអ្នកដឹកនាំប្រទេសថៃមួយចំនួន ដែលខ្ញុំប្រែពីអក្សរឡាតាំង ដើម្បីអោយយល់តាមអក្ខរាវិរុទ្ធជាខេមរភាសាយើងទេ ហើយខ្ញុំគិតថា នឹងបង្កើតអោយមាននូវកំហុសឆ្គងដោយជៀសមិនរួច ។ ហេតុនេះ សូមអស់លោកអ្នកមេត្តាអធ្យាស្រ័យ និងអាចធ្វើការផ្ទៀងផ្ទាត់ជាមួយនឹងអក្សរឡាតាំងដោយខ្លួនឯងចុះ។

ខាងក្រោមនេះ គឺជាកាលប្បវត្តិនៃអ្នកដឹកនាំប្រទេសថៃ ដែលបានកាន់តំណែងក្នុងនាមជានាយករដ្ឋមន្រ្តី ចាប់តាំងពីរដ្ឋប្រហារដោយយោធានៅឆ្នាំ១៩៣២ រហូតមកដល់បច្ចុប្បន្ននេះ…

តាមទិន្នន័យខាងលើនេះ ខ្ញុំអាចទាញបាននូវចំណុចសំខាន់ៗ មួយចំនួនដូចខាងក្រោម៖

ក្នុងចំណោមនៃការផ្លាស់ប្តូរ និងគ្រប់គ្រងអំណាចជាង ៤០លើកនេះ គឺកងកំលាំងទាហានដែលស្ថិតក្រោមអំណាចដ៏ធំធេងរបស់ព្រះមហាក្សត្រថៃ បានស៊ីដាច់អស់ចំនួន ១៧លើកទៅហើយ។ រីឯរដ្ឋប្រហារវិញ គិតមកដល់ពេលរដ្ឋប្រហារចុងក្រោយដែលទំលាក់លោក ទក្សិណ ស៊ីណាវត្ថិ នៅឆ្នាំ២០០៦ គឺមានចំនួន ១៩លើកហើយ ។ នេះបញ្ជាក់អោយឃើញថា ប្រទេសថៃ ជានិច្ចកាលតែងតែប្រើប្រាស់កំលាំងបាយ ដើម្បីគ្រប់គ្រងអំណាចផង និងជាលេសដើម្បីការពាររាជបល្ល័ង្គផង ដែលតាមការពិត នេះគឺជាយុទ្ធសាស្រ្ត ឬនយោបាយពង្រឹង និងពង្រីកទឹកដីថៃ ដែលពួកគេធ្លាប់បានទទួលជោគជ័យតាំងពីដើមរៀងមក ។
គណបក្សប្រជាធិបតេយ្យរបស់លោក អភិសិទ្ធិ វិជ្ជាជីវៈ បច្ចុប្បន្ននេះ បានបង្កើតឡើង និងបានទទួលគ្រប់គ្រងអំណាចដំបូងបង្អស់នៅឆ្នាំ១៩៤៦។ គណបក្សប្រជាធិបតេយ្យនេះ បានបង្កើតឡើងដោយលោកវីរៈសេនីយ៍ ខួង អភ័យវង្ស (១៩០២-១៩៦៨) ដែលរហូតមកទល់នឹងពេលនេះ បានឈ្នះការបោះឆ្នោត និងបានគ្រប់គ្រងប្រទេសចំនួន ៧លើករួចមកហើយ ។
តាមឯកសារបានបញ្ជាក់ថា ខួង អភ័យវង្ស មានកំណើតកើតជានៅក្នុងខេត្តបាត់ដំបង នៃប្រទេសកម្ពុជាយើង ។ តាមការសន្និដ្ឋានរបស់ខ្ញុំ ខួង អភ័យវង្ស គឺជាជនជាតិខ្មែរមួយរយភាគរយ និងជាកូនប្រុសរបស់លោកម្ចាស់ កថាថន ឈុំ ដែលជាអតីតអ្នកគ្រប់គ្រង ឬស្តេចត្រាញ់ប្រចាំខេត្តបាត់ដំបង (សូមអានឯកសារស្រាវជ្រាវរបស់ប្លុកស្រែខ្មុក ដែលទាក់ទងនឹងប្រវត្តិរបស់ពូជពង្ស ខួង អភ័យវង្ស បន្ថែមទៀត)។ កាលណោះ ខេត្តបាត់ដំបង និងខេត្តភាគខាងលិចនៃប្រទេសកម្ពុជាយើង គឺស្ថិតនៅក្រោមការគ្រប់គ្រង់របស់ស្តេចក្រុងសៀម អស់រយៈពេលជាងមួយសតវត្សរ៍… គឺមានរយៈពេលរហូតដល់ទៅ ១១២ឆ្នាំ (១៧៩៥-១៩០៧) ហើយព្រំប្រទល់ប្រទេសយើងជាមួយសៀមកាលណោះ គឺនៅត្រឹមស្ពានស្វាយដូនកែវ សព្វថ្ងៃ ។ រហូតដល់រាជ្យព្រះបាទ ស៊ីសុវត្ថិ ទើបប្រទេសកម្ពុជាយើង រួមជាមួយនឹងអាណាព្យាបាលបារាំង បានទាមទារខេត្តទាំងនោះបានត្រឡប់មកកម្ពុជាវិញ ពីប្រទេសសៀមនៅឆ្នាំ១៩០៧ (បើចង់ជ្រាប់ច្បាស់ពីប្រវត្តិពិស្តារក្នុងរឿងនេះ សូមអានសៀវភៅ «បាត់ដំបងសម័យលោកម្ចាស់» និពន្ធដោយលោក តូច ឈួម)។ ហេតុនេះហើយ បានជាកម្ពុជាយើង និងសៀម មានសន្ធិសញ្ញាកំណត់ព្រំដែនរួមគ្នា នៅឆ្នាំ១៩០៤ និងឆ្នាំ១៩០៧។
ចាប់ពីខែកញ្ញា ឆ្នាំ១៩៥៧ ដល់ខែតុលា ឆ្នាំ១៩៧៣ គឺជារយៈពេលនៃការគ្រប់គ្រងដោយកងទ័ព ។ នេះមិនមែនជាការចៃដន្យទេ ដែលប្រទេសថៃ បានប្រើប្រាស់កំលាំងកងទ័ពដើម្បីគ្រប់គ្រងប្រទេសរហូតដល់ទៅ ១៦ឆ្នាំ។ ហេតុអ្វី បានជាចាំបាច់មានពួកកងទ័ពគ្រប់គ្រងប្រទេស? បើធ្វើការរំលឹក និងផ្គុំហេតុការណ៍ទាំងអស់ឡើងវិញ នោះគឺជាការចាប់ផ្តើមមានជំលោះ រវាងប្រទេសថៃជាមួយប្រទេសកម្ពុជាយើង ក្នុងការដណ្តើមធ្វើជាម្ចាស់កម្មសិទ្ធ ក្នុងការកាន់កាប់ប្រាសាទព្រះវិហារ..!! ហើយហេតុការណ៍នោះ បានអូសបន្លាយរហូតក្តីក្តាំងគ្នានៅតុលាការអន្តរជាតិ ដែលមានទីស្នាក់ការនៅប្រទេសហុលឡង់ ។
ជំនាន់លោកសេនាប្រមុខ សារិទ្ធ ថាណារ័ត្ន ជានាយករដ្ឋមន្រ្តីថៃ គឺប្រទេសកម្ពុជាយើងបានឈ្នះក្តីនៅតុលាការអន្តរជាតិ ក្នុងរឿងជំលោះប្រាសាទព្រះវិហារ ។
សំរាប់និស្សិត និងបញ្ញាវ័ន្តថៃ ពួកគេនៅតែចងចាំជានិច្ចនូវព្រឹត្តិការណ៍ ១៤ តុលា… នោះគឺជាការបង្រា្កបនៃទាហានរដ្ឋាភិបាលរបស់លោកសេនាប្រមុខ ថ្នម កាទិកាចន ទៅលើចលនាបាតុកម្មរបស់សិស្ស និស្សិតដើម្បីទាមទារលទ្ធិប្រជាធិបតេយ្យនៅឆ្នាំ១៩៧៣ ។
ដូចគ្នានេះដែរ គឺចាប់ពីខែតុលា ឆ្នាំ១៩៧៦ ដល់ខែមីនា ឆ្នាំ១៩៩១ ប្រទេសថៃបានគ្រប់គ្រងដោយកងទ័ពរហូតទៀត ។ នេះក៍មិនមែនជាការចៃដន្យដែរ ដែលប្រទេសថៃ បានប្រើប្រាស់កំលាំងកងទ័ពដើម្បីគ្រប់គ្រងប្រទេសរហូតដល់ទៅ ១៥ឆ្នាំម្តងទៀត ។ ខ្ញុំយល់ថា នេះគឺជារយៈពេលដែលប្រទេសថៃប្រុងប្រៀបខ្លួន និងចាប់ផ្តើមទប់ទល់ លើកិច្ចការការពារព្រំដែនជាមួយរបបខ្មែរក្រហម និងក្រោយមក បានចិញ្ចឹមចលនាតស៊ូត្រីភាគីទៀត ដើម្បីទប់ទល់ជាមួយកងទ័ពវៀតណាមផង និងរដ្ឋាភិបាលក្រុងភ្នំពេញផង ។ ហេតុនេះ អ្នកនយោបាយថៃយល់ថា គឺមានតែរដ្ឋាភិបាលដែលគ្រប់គ្រងដោយកងទ័ពទេ ទើបអាចសំរេចកិច្ចការបែបនេះបាន ។
នៅក្រោមការគ្រង់គ្រងរបស់លោកឧត្តមសេនីយ៍ ឆាទិឆ័យ(ជាតិជ័យ) ឈុនហាវ៉ាន ដែលមានចក្ខុវិស័យផ្តោតទៅលើវិស័យសេដ្ឋកិច្ចជាសំខាន់នោះ លោកបានមានប្រសាសន៍ថា៖ នឹងប្រែក្លាយតំបន់ព្រំដែនកម្ពុជា-ថៃ ពីសមរភូមិប្រយុទ្ធ អោយទៅជាទីផ្សារពាណិជ្ជកម្ម… តែទស្សនៈ ឬចក្ខុវិស័យរបស់លោកនេះ ត្រូវបានជំទាស់ពីក្រុមអ្នកនយោបាយអភិរក្សនិយមក្នុងក្រុងបាកក ហើយទីបំផុត លោកនាយករដ្ឋមន្រ្តី ឆាទិឆ័យ ឈុនហាវ៉ាន ត្រូវបានគេធ្វើរដ្ឋប្រហារទំលាក់ពីអំណាចនៅខែកុម្ភះ ឆ្នាំ១៩៩១ ទៅ។
ក្នុងចំណោមអ្នកដឹកនាំទាំងអស់ គឺមានតែលោកវីរៈសេនីយ៍ ខួង អភ័យវង្ស និងលោក មុម រាជវង្ស សេនាប្រមុខ ទេដែលកាន់តំណែងជានាយករដ្ឋមន្រ្តីបាន ៣លើកម្នាក់ៗ ។
ចំណែកអ្នកដែលកាន់តំណែងជានាយករដ្ឋមន្រ្តីបានយូរជាងគេ គឺលោកសេនាប្រមុខ ផ្លេក ភីបុលសង្រ្គាម… គឺលើកទី១ កាន់តំណែងបានជាង ៥ឆ្នាំ (ពីខែធ្នូ ឆ្នាំ១៩៣៨ ដល់ខែសីហា ឆ្នាំ១៩៤៤) និងលើកទី២ កាន់តំណែងបានជាង ៩ឆ្នាំ (ពីខែមីនា ឆ្នាំ១៩៤៨ ដល់ខែតុលា ឆ្នាំ១៩៥៧) ។
រីឯអ្នកដែលកាន់តំណែងបានខ្លីជាងគេ គឺលោកសេនាប្រមុខ ភិន ឈុនហាវ៉ាន កាន់តំណែងបានតែ ៥ថ្ងៃគត់ គឺបន្ទាប់ពីធ្វើរដ្ឋប្រហារទំលាក់លោកសេនាប្រមុខ ផ្លេក ភីបុលសង្រ្គាម រួចមក លោកសេនាប្រមុខ ភិន ឈុនហាវ៉ាន បានប្រគល់អំណាចទៅលោក ប៉ូត សារ៉ាស៊ីន ជាអ្នកដឹកនាំប្រទេសបន្ត ។
ក្នុងតំណែងជានាយករដ្ឋមន្រ្តីជាលើកទី២ (ខែវិច្ឆិកា ឆ្នាំ១៩៩៧ ដល់ខែកុម្ភះ ឆ្នាំ២០០១) លោក ឈួន លីផៃ ដែលមកពីគណបក្សប្រជាធិបតេយ្យ បានចុះហត្ថលេខាជាមួយកម្ពុជាយើង លើអនុសារណៈយោគយល់គ្នា ស្តីពីការកំណត់ព្រំដែនគោក និងសមុទ្រ នៅឆ្នាំ២០០០ ដែលក្រោយមក នៅជំនាន់លោក អភិសិទ្ធិ វិជ្ជាជីវៈ ដែលមកពីគណបក្សប្រជាធិបតេយ្យដដែលនេះ ចង់ប្រកាសលុបចោលអនុសារណៈនេះទៅវិញ ដែលពួកគេយល់ថា គឺជាការបង្កអោយមានបញ្ហាចំរូងចំរាស់នៅក្នុងសង្គមថៃ ។
ខ្ញុំទើបតែយល់ឃើញថា រដ្ឋប្រហាររបស់កងទ័ពថៃលើកចុងក្រោយនេះ ដើម្បីទំលាក់លោក ទក្សិណ ស៊ីណាវត្ថិ នៅឆ្នាំ២០០៦ ហើយអោយឧត្តមសេនីយ៍ សុរិយុទ្ធ ចូឡានន្ត ឡើងកាន់តំណែងជានាយករដ្ឋមន្រ្តី និងក្រោយមកបានរំលាយគណបក្សឈ្នះឆ្នោត ថៃស្រឡាញ់ថៃ ដើម្បីបើកផ្លូវអោយគណបក្សប្រជាធិបតេយ្យដែលស្និទ្ធនឹងក្រុមនាយទាហាន និងក្រុមអភិរក្សនិយមក្រុងបាងកក ដែលមានលោក អភិសិទ្ធិ ជាខ្សែញាក់នោះ គឺជាសេណារីយោដ៏ល្អឥតខ្ចោះមួយ ដើម្បីទប់ទល់ជាមួយកម្ពុជាយើង នៅក្នុងជំលោះផ្តាច់ព្រាត់ ក្នុងការដណ្តើមធ្វើជា«សហកម្មសិទ្ធិ» ដើម្បីដាក់បញ្ចូលប្រាសាទព្រះវិហារទៅក្នុងបញ្ជីបេតិកភ័ណ្ឌពិភពលោក។
ចុងក្រោយ គឺលោកស្រី យីងឡាក់ ស៊ីណាវត្ថិ ដែលមកពីគណបក្សភឿថៃ គឺជាស្រ្តីទី១ ដំបូងគេ ដែលឡើងកាន់តំណែងជានាយករដ្ឋមន្រ្តីនៅក្នុងប្រទេសថៃ ។
ចំណុចពិសេស រវាងលោកស្រី យីងឡាក់ និងលោក អភិសិទ្ធិ គឺអ្នកទាំងពីរបានឡើងកាន់តំណែងជានាយករដ្ឋមន្រ្តីរបស់ប្រទេសថៃ ស្ថិតក្នុងវ័យ ៤៤ឆ្នាំដូចគ្នា និងមានវ័យក្មេងជាងគេ ដូចគ្នាដែរ…។
ទីបំផុតទៅ នៅថ្ងៃទី ៧ ខែឧសភា ឆ្នាំ២០១៤, តុលាការធម្មនុញ្ញថៃ បានសំរេចសាលក្រមដកលោកស្រីយីងឡាក់ ចេញពីមុខដំណែងជានាយករដ្ឋមន្រ្តី ក្រោមបទចោទប្រកាន់ពីការរំលោភរដ្ឋធម្មនុញ្ញ ពាក់ព័ន្ធទៅនឹងករណីផ្លាស់ប្តូរលោក ថាវីល ផ្លីនស្រ៊ី ចេញពីក្រុមប្រឹក្សាសន្តិសុខជាតិ កាលពីឆ្នាំ២០១១ ។ ក្នុងពេលជាមួយគ្នានេះ គណបក្សភឿថៃបានសំរេចតែងតាំងឧបនាយករដ្ឋមន្រ្តី និងជារដ្ឋមន្រ្តីក្រសួងពាណិជ្ជកម្ម លោក នីវ៉ាត់ថាមរ៉ុង ប៊ុនសុងផៃសាន ជានាយករដ្ឋមន្រ្តីស្តីទី (ចាំផ្ទះ)។
ថ្ងៃទី ២២ ខែឧសភា ឆ្នាំ២០១៤, លោកឧត្តមសេនីយ៍ ប្រាយុទ្ធ ចាន់អ៊ូចា (Gen. Prayuth Chan-ocha) បានធ្វើរដ្ឋប្រហារទំលាក់រដ្ឋាភិបាលចាំផ្ទះ លោក នីវ៉ាត់ថាមរ៉ុង ប៊ុនសុងផៃសាន ដើម្បីយកអំណាចមកគ្រប់គ្រងខ្លួនឯង។ បីថ្ងៃក្រោយមក គឺនៅថ្ងៃទី ២៥ ខែឆ្នាំដដែល, លោក ប្រាយុទ្ធ ត្រូវបានទទួលការយល់ព្រមពីព្រះមហាក្សត្រថៃ ព្រះចៅ ភូមិពល អាបឌុលយ៉ាដេត ថាជាប្រមុខក្រុមប្រឹក្សាយោធាដែលមានអំណាចគ្រប់គ្រងប្រទេស ក្នុងនាមនាយករដ្ឋមន្រ្តី…។
ជាប្រមុខក្រុមប្រឹក្សាយោធាដែលគ្រប់គ្រងអំណាប្រមុខក្រុមប្រឹក្សាយោធាដែលគ្រប់គ្រងអំណាច
សរុបនាយករដ្ឋមន្រ្តីថៃ ដែលបានធ្វើការជាមួយនាយករដ្ឋមន្រ្តីកម្ពុជាយើង គឺសម្តេចតេជោ ហ៊ុនសែន ចាប់តាំងពីឆ្នាំ១៩៨៥ រហូតដល់បច្ចុប្បន្ននេះរួមមាន៖ លោក ព្រេម ទិនសុឡានន្ត, លោក ឆាទិឆ័យ ឈុនហាវ៉ាន, លោក អនន្ត បញ្ញាជន, លោក សុចិន្តា ក្រាបប្រយុង, លោក ឈួន លីផៃ, លោក បានហ៊ាន សិល្បៈអាចារ្យ, លោក ឆាវ៉ាលីត យុងឆ័យយុទ្ធ, លោកទក្សិណ ស៊ីណាវត្ថិ, លោក សុរិយុទ្ធ ជូឡានន្ត, លោក សៈមៈ ស៊ុនតារាវេទ, លោក ស៊ុមឆ័យ វង្សសុវត្ថិ, លោក អភិសិទ្ធិ វិជ្ជាជីវៈ, និងបច្ចុប្បន្ន គឺលោកស្រី យីងឡាក់ ស៊ីណាវត្ថិ…។

ស្រុកស្រែ

___________________

អត្ថបទដែលទាក់ទង៖

7 មតិ

បានផ្សាយក្នុង ដឹងគេ ដឹងយើង

កាលប្បវត្តិ នៃអ្នកដឹកនាំប្រទេសកម្ពុជាយើង…

Posted on 23 ខែវិច្ឆិកា 2011 | មតិ 21

ខ្ញុំទើបតែបង្កើតអត្ថបទមួយក្រុមថ្មីដែលមានឈ្មោះថា ដឹងគេ ដឹងយើង នៅក្នុងប្លុករបស់ខ្ញុំនេះ ដើម្បីប្រមូលផ្តុំនូវអត្ថបទ ឬកាលប្បវត្តិសំខាន់ៗ ដែលទាក់ទងនឹងប្រទេសយើងផង និងប្រទេសក្បែរខាងយើងផង សំរាប់ទុកជាឯកសារខ្ញុំមើលលេងទៅថ្ងៃក្រោយ និងសំរាប់អោយសិស្ស និសិ្សតទូទៅ ដែលមិនចង់ក្លាយជាតារា (sic!) អាចអានលេងៗទៅ នឹងអាចបង្កើននូវចំណេះដឹងខ្លះៗជាមិនខាន…។ ព្រោះថា ការស្វែងយល់ដឹងពីខ្លួនឯងផង និងការស្វែងយល់ដឹងពីអ្នកក្បែរខាងយើងផង គឺធ្វើអោយខ្លួនយើងបែកបញ្ញាក្នុងការគិត និងមានគំនិតទូលំទូលាយថែមទៀតក្នុងការរួមចំណែកកសាងស្រុកទេសដ៏កំសត់របស់យើងនេះ…។

ជាដំបូងនេះ គឺខ្ញុំចង់អោយខ្មែរយើងស្វែងយល់ និងដឹងពីខ្លួនយើងជាមុនសិន… នោះគឺកាលប្បវត្តិសំខាន់ៗ និងឈ្មោះនៃអ្នកដឹកនាំប្រទេសយើងចាប់ពីឆ្នាំ១៩៤៥ រហូតមកដល់បច្ចុប្បន្ននេះ ។ ខ្ញុំព្យាយាមរករូបថតយកមកដាក់បង្ហាញដែរ តែបើនិយាយទៅ គឺខ្ញុំនៅតែបន្ទោសទៅលើរបបកម្ពុជាប្រជាធិបតេយ្យដដែល ព្រោះពួកគេ ជាអ្នកទទួលខុសត្រូវក្នុងការបំផ្លាញឯកសារជាតិដ៏មានតំលៃអស់ទៅហើយ។ តែខ្ញុំនឹងព្យាយាមរករូបថតដាក់នៅពេលក្រោយតាមដែលអាចធ្វើទៅបាន។ ហើយខ្ញុំរីករាយនឹងបន្តការកែសំរួល (Update) រាល់ព័ត៌មានទាំងអស់នេះ ប្រសិនបើអស់លោកអ្នកពិនិត្យឃើញថា មានការខុសឆ្គងចំណុចខ្លះ។

ខាងក្រោមនេះ គឺជាកាលប្បវត្តិសំខាន់ៗនិងឈ្មោះអ្នកដឹកនាំប្រទេសយើង ក្នុងនាមជានាយករដ្ឋមន្រ្តី ចាប់តាំងពីឆ្នាំ១៩៤៥ មក…

ផ្អែកតាមទិន្នន័យខាងលើ ខ្ញុំអាចទាញបាននូវចំណុចសំខាន់ៗខ្លះដូចខាងក្រោម៖

គិតមកដល់ពេលនេះ ដំណាក់កាលនៃការដឹកនាំប្រទេសយើង ក្នុងនាមជានាយករដ្ឋមន្រ្តីមានរហូតដល់ទៅជាងហុកសិបដង..!! ហេហេ… យើងចេះតែគិតថា ប្រទេសថៃបានប្តូររដ្ឋាភិបាលញឹកញាប់ណាស់ ដូចផ្លាស់ប្តូរខោអាវ។ តែបើមើលមកយើងខ្លួនឯងពីអតីតកាលវិញ សូមអស់លោកអ្នកដាក់ពិន្ទុដោយខ្លួនឯងចុះ…។
សម្តេចព្រះនរោត្តម សីហនុ កាលពីពេលដែលព្រះអង្គកំពុងប្រឡូកក្នុងនយោបាយ គឺព្រះអង្គបានកាន់តំណែងជានាយករដ្ឋមន្រ្តីរហូតដល់ទៅ ១០ដង គឺពីឆ្នាំ១៩៤៥ ដល់ឆ្នាំ១៩៥៣ ចំនួន ៣ដង និងពីឆ្នាំ១៩៥៣ ដល់ឆ្នាំ១៩៧០ ចំនួន ៧ដង។ អាចចាត់ទុកថា ព្រះអង្គជាប់ជាជើងឯក លេខ១ ត្រួតលើលេខ១ ឬលេខ១ ឌុប ខាងកាន់តំណែងជានាយករដ្ឋមន្រ្តី ច្រើនដងជាងគេក្នុងប្រទេសយើង និងក្នុងពិភពលោកទាំងមូលតែម្តង…
មកទល់នឹងពេលនេះ សម្តេច ហ៊ុន សែន លោកបានកាន់តំណែងជានាយករដ្ឋមន្រ្តីបានយូរជាងគេបង្អស់ ហើយក៍ក្មេងជាងគេបង្អស់នៅប្រទេសយើងដែរ។ យើងនឹងត្រូវរង់ចាំមើលទាំងអស់គ្នាទៀត ថាតើយូរដល់ពេលណា?
ឯនាយករដ្ឋមន្រ្តីដែលកាន់តំណែងបានខ្លីជាងគេ គឺលោក អៀវ កើស ដែលគ្រប់គ្រងប្រទេសបានតែ ៩ថ្ងៃគត់។ ហើយក្នុងចំណោមនាយករដ្ឋមន្រ្តីទាំងអស់ គឺមានតែនាយករដ្ឋមន្រ្តីលេខរៀងទី៩ លោក អៀវ កើស នេះទេ ដែលទទួលមរណភាពដោយសារភេរវកម្មផ្ទុះគ្រាប់បែក នៅក្នុងទីស្នាក់ការគណបក្សប្រជាធិបតេយ្យរបស់គាត់ (ខ្ញុំធ្លាប់បានអានឯកសារដែលនិយាយពីរឿងនេះ)។
ក្នុងរយៈពេលមិនទាន់បានឯករាជ្យពីបារាំង (១៩៤៥-១៩៥៣) ខាងគណបក្សប្រជាធិបតេយ្យ បានគ្រប់គ្រងអំណាចស្ទើរតែទាំងស្រុង។ តែមិនដឹងយ៉ាងម៉េច ដែលក្នុងរយៈពេលនោះ បែរជាមានការផ្លាស់ប្តូរនាយករដ្ឋមន្រ្តី ញឹកញាប់មែនទែន។ បើអស់លោកណាដឹងរឿងនេះច្បាស់ សូមជូយប្រាប់យកតែបុណ្យផងទៅបាទ…។
ក្នុងឆ្នាំ១៩៤៩ គឺជាឆ្នាំដែលសភាពការណ៍កម្ពុជាយើងមានភាពច្របូកច្របល់ដោយសារតែមានការផ្លាស់ប្តូររដ្ឋាភិបាលញឹកញាប់ ប្រហែលជាដោយសារតែការស្លាប់នៃមេដឹកនាំគណបក្សប្រជាធិបតេយ្យនេះ។ តែនៅមានព្រឹត្តិការណ៍ធំដោយឡែកមួយទៀតដែលខ្មែរគ្រប់ៗគួរតែចងចាំនោះ គឺបារាំងបានប្រគល់ទឹកដីកម្ពុជាក្រោមជាផ្លួវការទៅអោយរដ្ឋាភិបាលវៀតណាមគ្រប់គ្រងនៅក្នុងឆ្នាំ១៩៤៩ នេះដែរ…។ បើផ្គុំរឿងហេតុនេះឡើងវិញ កាលណោះសម្តេចព្រះនរោត្តម សីហនុ ក្នុងនាមព្រះអង្គជាព្រះប្រមុខរដ្ឋ តើព្រះអង្គកំពុងធ្វើអ្វីដែរ? ហើយតើរាជរដ្ឋាភិបាលខ្មែរដែលស្ថិតនៅក្រោមអាណាព្យាបាលបារាំងស្រាប់ បានប្រឹងប្រែងធ្វើអ្វីខ្លះដើម្បីទាមទារតាមផ្លូវច្បាប់ យកកម្ពុជាក្រោមត្រឡប់មកវិញដែរឬទេ? ហេតុអីបានជាបារាំងប្រគល់កម្ពុជាក្រោមទាំងអស់អោយទៅវៀតណាម ដែលកាលណោះ គួរតែបានចំណែកខ្លះមកខាងកម្ពុជាយើងដែរ…។ ស្តាយដែរដោយសារខ្ញុំកើតអត់ទាន់ កុំអីអាចនឹងដឹងរឿងច្រើនជាងនេះ… ហេហេ…
ចាប់ពីទទួលបានឯករាជ្យពីបារាំងមក គឺស្ទើរតែពេញរយៈពេលពីឆ្នាំ១៩៥៣ ដល់ឆ្នាំ១៩៧០ ដែលគណបក្សសង្គមរាស្រ្តនិយម របស់ព្រះករុណាព្រះបាទសម្តេចព្រះនរោត្តម សីហនុ បានកាន់តំណែងជានាយករដ្ឋមន្រ្តីជាប់គ្នារហូតមក ដែលក្រោយមកពួកសាធារណរដ្ឋបានរិះគន់ថា ការឈ្នះឆ្នោតនិងដឹកនាំប្រទេសតែឯងបែបនេះ គឺប្រៀបដូចជាការជិះសេះលែងដៃ…។
ចូលមកដល់របបសាធារណរដ្ឋ ក៍ដូចគ្នាដែរ គឺគណបក្សសង្គមសាធារណរដ្ឋរបស់លោកសេនាប្រមុខ លន់ នល់ សឹងតែប៉ាវផ្តាច់ក្នុងការគ្រប់គ្រងប្រទេសដែរ។
រួចចូលដល់ក្នុងរបបកម្ពុជាប្រជាធិបតេយ្យ លែងនិយាយបាត់… គឺមានតែបក្សកុម្មុយនីសកម្ពុជារបស់ខ្មែរក្រហមមួយទេដែលគ្រប់គ្រងប្រទេស បើទោះជាពេលនោះមានសម្តេច ប៉ែន នុត ជានាយករដ្ឋមន្រ្តី និងសម្តេចព្រះនរោត្តម សីហនុ ជាប្រមុខរដ្ឋក៍ដោយ (ព្រះអង្គបានលាលែងពីតំណែងផុតកំពូលនេះនៅខែមេសា ឆ្នាំ១៩៧៦) ដែលតាមការពិត នោះគឺជាតំណែងខ្យល់ ដែលក្រុមខ្មែរក្រហមប្រគល់អោយ…
ដល់ចូលមកដល់សម័យព្រះរាជាណាចក្រទី២នេះ សូមអស់លោកអ្នកគិត និងឆ្លើយដោយខ្លួនឯងចុះ…
នៅថ្ងៃច័ន្ទ ១៥រោច ខែភទ្របទ ឆ្នាំរោង ចត្វាស័ក ព.ស ២៥៥៦ ត្រូវនឹងថ្ងៃទី ១៥ ខែតុលា គ.ស ២០១២ វេលាម៉ោង ១ និង២០នាទីយប់ (ម៉ោងនៅរាជធានីភ្នំពេញ) ព្រះករុណាព្រះបាទសម្តេចព្រះនរោត្ដម សីហនុ ទ្រង់បានសោយព្រះទីង្គតនៅទីក្រុងប៉េកាំង ប្រទេសចិន ដោយជរាពាធ។ ព្រះបរមសពព្រះអង្គ ត្រូវបានយាងដង្ហែរពីទីក្រុងប៉េកាំង មកកាន់រាជធានីភ្នំពេញ ដោយព្រះករុណាព្រះបាទសម្តេចព្រះបរមនាថ នរោត្តម សីហមុនី និងសម្ដេចអគ្គមហាសេនាបតីតេជោ ហ៊ុនសែន នៅថ្ងៃទី ១៧ ខែតុលា វេលាម៉ោង ២:៣០ រសៀល។ ការដង្ហែរព្រះបរមសព ពីព្រលានយន្តហោះអន្តរជាតិភ្នំពេញ មកព្រះបរមរាជវាំង មានប្រជារាស្ត្រខ្មែរទាំងបព្វជិត និង គ្រហស្ថ ប្រមាណជាង ១លាននាក់ រង់ចាំចូលរួមដង្ហែរ។ ប្រទេសខ្មែរទាំងមូលនឹងធ្វើបុណ្យកាន់ទុក្ខ ៧ថ្ងៃ គឺចាប់ពីថ្ងៃទី ១៧-២៣ ខែតុលា ឆ្នាំ២០១២។ ព្រះបរមសព នឹងដំកល់នៅព្រះបរមរាជវាំងយ៉ាងតិច ៣ខែ មុននឹងធ្វើបុណ្យរំលាយព្រះបរមសព…។

ខាងក្រោមនេះ គឺជារូបថតឥស្សរជនខ្មែរ ដែលធ្លាប់កាន់តំណែងជាមន្ត្រីជាន់ខ្ពស់ក្នុងរដ្ឋាភិបាល និងធ្លាប់ចូលប្រឡូកក្នុងនយោបាយខ្មែរពីអតីតកាល….

ស្រុកស្រែ

___________________

អត្ថបទដែលទាក់ទង៖

21 មតិ

បានផ្សាយក្នុង ដឹងគេ ដឹងយើង

Monthly Archives: ខែវិច្ឆិកា 2011

រូបថតថ្ងៃម្សិលមិញ…

រូបថតចាស់ៗ…

កាលប្បវត្តិ នៃអ្នកដឹកនាំប្រទេសថៃ…

កាលប្បវត្តិ នៃអ្នកដឹកនាំប្រទេសកម្ពុជាយើង…

រកឯកសារចាស់ៗ របស់ស្រុកស្រែ

ប្រកាសថ្មីៗ

អត្ថបទដែលបានអានច្រើនជាងគេ

ចំណាត់ក្រុម

បណ្ណសារដ្ឋានប្រចាំខែនីមួយៗ

ភ្ញៀវនានាដែលបានចូលមកលេងផ្ទះ

មានបំណងចង់អានប្លុកស្រុកស្រែ

Monthly Archives: ខែវិច្ឆិកា 2011

រូបថតថ្ងៃ​ម្សិលមិញ…

រូបថតចាស់ៗ…

កាលប្បវត្តិ នៃអ្នកដឹកនាំ​ប្រទេសថៃ…

កាលប្បវត្តិ នៃ​អ្នក​ដឹកនាំ​​ប្រទេស​​កម្ពុជា​យើង…

រកឯកសារចាស់ៗ របស់ស្រុកស្រែ

ប្រកាសថ្មីៗ

អត្ថបទ​ដែលបានអានច្រើនជាង​គេ

ចំណាត់ក្រុម

បណ្ណសារដ្ឋានប្រចាំខែនីមួយៗ

ភ្ញៀវនានាដែល​បានចូល​មកលេងផ្ទះ

មានបំណងចង់​អាន​ប្លុកស្រុកស្រែ

រូបថតថ្ងៃម្សិលមិញ…

កាលប្បវត្តិ នៃអ្នកដឹកនាំប្រទេសថៃ…

កាលប្បវត្តិ នៃអ្នកដឹកនាំប្រទេសកម្ពុជាយើង…

អត្ថបទដែលបានអានច្រើនជាងគេ

ភ្ញៀវនានាដែលបានចូលមកលេងផ្ទះ

មានបំណងចង់អានប្លុកស្រុកស្រែ