មួយរយៈចុងក្រោយនេះ ខ្ញុំមិនបានសរសេរប្រកាសថ្មីៗ ដើម្បីចុះផ្សាយនៅទីនេះទេ។ មានរឿងរវល់ពីរ ដែលនាំអោយខ្ញុំមិនបន្ថែមព័ត៌មានថ្មីៗគឺ៖ ទីមួយ រវល់ដោះស្រាយបញ្ហារឿងក្រពះ!… ព្រោះរឿងក្រពះ ជាបញ្ហាអាទិភាពសំខាន់…។ ឯទីពីរ គឺរវល់នឹងកិច្ចការដែលមិនគួររវល់!… នោះគឺការមិនអាចទូទាត់ថ្លៃសេវាប្រចាំឆ្នាំ ជូនទៅក្រុមហ៊ុនវ៉ើតប្រេសបាន។ ដូច្នេះ ខ្ញុំត្រូវរវល់ក្នុងការរើផ្ទះពីទីនេះ ទៅសង់នៅកន្លែងផ្សេង ដោយរក្សាទុកអាស័យដ្ឋាន sroksrear.com អោយនៅដដែល ដែលការងារនេះ នឹងបញ្ចប់នៅក្នុងសប្តាហ៍នេះហើយ…។
ទាក់ទងរឿងទូទាត់ថ្លៃសេវាប្រើប្រាស់ប្រចាំឆ្នាំ (Domain Mapping and Domain Registration for sroksrear.com) ខ្ញុំក៏មិនយល់ដែរថា ម៉េចបានទៅជាអញ្ចឹង?… ព្រោះការទូទាត់ជូនក្រុមហ៊ុនវ៉ើតប្រេសមួយនេះ នឹងធ្វើឡើងតាមរយៈ VISA Card or Master Card ដែលតំរូវអោយអ្នកទូទាត់ ត្រូវតែបំពេញនូវព័ត៌មានមួយចំនួន នៅក្នុងទំរង់បែបបទនៃការទូទាត់នេះ។ តែអ្វីដែលជាបញ្ហានោះ គឺប្រទេសកម្ពុជាយើង មិនមានឈ្មោះនៅក្នុងបញ្ជីសំរាប់ធ្វើការទូទាត់ឡើយ។ ហេតុនេះហើយ ទើបខ្ញុំគាំងស្ញេញត្រឹមណឹង..!!..
ដល់ខ្ញុំទូទាត់ថ្លៃប្រើប្រាស់អត់កើត, ខ្ញុំមានជំរើសតែមួយគត់ដែលត្រូវធ្វើ គឺត្រូវរើចានឆ្នាំងពីទីនេះ ទៅនៅកន្លែងផ្សេងតែប៉ុណ្ណោះ។ ហេតុនេះ សំរាប់ខ្ញុំ, គឺនៅសល់តែពាក្យ: «Goodbye… WordPress ចោរម៉្រាយ..!!..» តែមួយម៉ាត់នេះឯង… 😀
ស្ថិតក្នុងសភាពស្ងៀមស្ងាត់នេះ, ខ្ញុំកំពុងសិក្សាពីប្រពៃណី ទំនៀមទំលាប់របស់ជនជាតិឥស្លាមនៅក្នុងប្រទេសកម្ពុជាយើងបច្ចុប្បន្ន។ ជាមួយគ្នានេះ ខ្ញុំក៏មានផែនការថតផ្តិតយកទិដ្ឋភាពព្រះវិហារឥស្លាម (Mosque) នៅក្នុងប្រទេសយើងផងដែរ សំរាប់ទុកជាឯកសារនៅទីនេះ។
នៅមានប្រធានបទសំខាន់ៗ ជាច្រើនទៀត ដែលខ្ញុំត្រៀមចុះផ្សាយ ចែករំលែកនៅទីនេះ… គឺក្រោយពេលដែលខ្ញុំរៀបចំផ្ទះនៅកន្លែងថ្មីរួច…៕
WordPress Form សំរាប់បំពេញក្នុងការទូទាត់ថ្លៃសេវាប្រើប្រាស់
នៅត្រង់ប្រអប់ «Select Country» គឺមានឈ្មោះប្រទេសនានាទាំងអស់នៅលើពិភពលោក, អភ័ព្វតែប្រទេសកម្ពុជាយើងមួយ មិនមានឈ្មោះនឹងគេ..!!.. ម៉េចបានទៅជាអញ្ចឹង?…
ស្រុកស្រែ
ស្រុកស្រែ 
ឱលោកឪពុកក្មេកហើយ ខ្ញុំស្មានថាពូត្រូវទៅណាឆ្ងាយ។
ខ្ញុំរើបានតិចតួចទៅកផ្ទះថ្មី តែកន្លែងណាក៏ខ្ញុំមិនប្រាកដប្រជាជាមួយវាទេ។
អត់ទៅណាឆ្ងាយទេ គឺនៅគ្រវិលៗ ជីតៗនេះឯង… គ្រាន់តែថា មិនមានផ្ទះនៅទីនេះតែប៉ុណ្ណោះ… :-D
ឃីងដុះម្រះអុហ្វសិតវ៉ុនដឹរ ម៉េចចឹង?!!!!!?
😀 អាចមកពីឃីងដូមយើង ទំនើបជឿនលឿនពេកក៏មិនដឹង…
ខំមិនតាមហ្វូន សរសេរខុស ខ្ញុំចង់ថា Kingdom of wonder
ពូ ចឹងផ្ទះចាស់នេះគិតម៉េច បិតទ្វារចាក់សោ ឬក៏នៅអាដែល? ចូលបានហេស?
ផ្ទះចាស់នៅអាដែលទេ គ្រាន់តែមិនទុកដាក់អីវ៉ាន់នៅទីនេះតែប៉ុណ្ណោះ…
ហេតុអីមិនទាក់ទងសួរខាងវ៉ឺដប្រេសមើលទៅ ក្រែងលគេភ្លេចបញ្ចូលឈ្មោះប្រទេសយើង?
ខ្ញុំឆែកមើលទៅ គេតំរូវអោយខ្ញុំបង់លុយថែម ៣០ដុល្លារទៀត សំរាប់សំរួលអោយការទូទាត់នេះ។ ដូច្នេះហើយ ទើបខ្ញុំរត់ចោល… 😀
ស្មានតែពួកវើដប្រែសរំលោភយកដីធ្លីទៅធ្វើសម្បទានសេដ្ឋកិច្ច
ឈូសឆាយដោយទាំងផ្ទះ ស្រុកស្រែ ដែរបាត់ហើយ !
ពួកវើដប្រែសដូចអន់ដល់ហើយ អោយអ្នកភូមិខ្មែរចូលមកសង់ផ្ទះ
កើតកូនកើតចៅនិយាយខ្មែរឡើងពេញភូមិហើយ ស្រាប់តែថាអត់
ស្គាល់ស្រុកខ្មែរ ! 😀
Merry Christmas & Happy New Year bong…
គឺពិតជាអញ្ចឹងមែនហើយ… អោយខ្មែរយើងបង្កើតភូមិឋានរួច តែបែរជាអត់ទទួលស្គាល់ស្រុកខ្មែរ… 😀
បាទ អរគុណ ៗ !
សូមប្អូនស្រុកស្រែបានសប្បាយរីករាយក្នុងអោកាស
បុណ្យណូអែល និងបុណ្យឆ្លងឆ្នាំ នាប៉ុន្មានថ្ងៃទៀត
ខាងមុខនេះផងដែរ ។ 😀
អរគុណបង…
ចុះកាលពីទិញ sroksrear.com កាលមុនទិញម៉េចបាន?
កាលពីដំបូង ទិញបានធម្មតា…។ ទើបតែពេលត្រូវទូទាត់ឡើងវិញម្តងទៀតនេះ (Renew) ក៏មានបញ្ហាអញ្ចឹងទៅ។ ខ្ញុំគិតថា ប្រហែលជាមាន «គេ» ចង់តាមដានអត្តសញ្ញាណរបស់ម្ចាស់ប្លុកនីមួយៗហើយ ទើបបានមានករណីបែបនេះកើតឡើង…។ នេះជាមហាសេរីភាពខាងសារព័ត៌មាននៅស្រុកយើងហើយ… 😀
ចម្លែកមែន តែប្រហែលថ្ងៃមុខគេនឹងដាក់អោយយើងអាចទិញវិញបានជាមិនខាន។
បងប្រុសញ៉ុមបានជួប ប្លក់របស់បងមើលហើយពិតជាគួរអោយអារម្មណ៏ណាស់ តើប្អូនអាចសុំចូលរួមផងបានទេបង ប្អូនជាមនុស្សចំណូលថ្មីសុំបងត្រង់ៗបែបនឹងមិនដឹងថាបងស្វាគមន៏រឺក៏អត់ទេ?
អរគុណ ដែលបានមកលេងដល់ផ្ទះខ្ញុំ…។ បើត្រូវការអ្វីៗនៅទីនេះ សូមអញ្ជើញតាមសប្បាយចុះ… 😀
Merry Christmas & Happy New Year!…
ចូលរួមអបអរសាទរ លោកស្រុកស្រែ ដែលមានផ្ទះថ្មីតែមិនមែនទឹកដីនេះ។
ចង់រកលោកតើនៅកន្លែងណា? ជួយប្រាប់ផង!
ខ្ញុំនៅទីនេះដដែលទេ ម៉ែអាថ្លែន… គ្រាន់តែថា ចានឆ្នាំងខ្ញុំ គឺខ្ញុំត្រូវរើចេញពីទីនេះហើយ ព្រោះដោយសារតែខ្លាចពួកទមិឡ វាបិទចោលខានបានប្រើ… 😀
ខ្ញុំព្យាយាមកូពីប្លក់ពូទុក តែកូពីពីរថ្ងៃហើយ បានជាង៦ជីកាបៃនៅតែមិនហើយទៀត កូពីទុកខ្លាចគេបិទចោល អត់មានអីមើល។ ប្រហែលត្រូវរង់ចាំអាទិត្យក្រោយទៀតហើយ។
អរគុណហើយបងប្រុស !